沙嗲王 (眾安街) (已結業)

成年無食過。難得又經過。但求食餐飽。先嚟我就叫返個蟹粉豆腐鍋飯。朋友就揀咗新嘅燒比配薯條。加個小食牛油雞翼我個飯好快就嚟咗香噴噴又熱辣辣。石鍋太熱喇。都係先食雞翼先。炸粉較實。唔夠鬆化。一般質素。但蟹粉石鍋依然仲滾緊。好香。裏面仲真係有蟹肉。送飯一絕。之但係朋友個燒比等咗半粒鐘先上枱。第一次見呢份餐。燒得都幾靚仔。朋友話味道都唔錯。如果唔想食咁飽食呢個餐都係唔錯嘅選擇。至於跟餐飲半價咗都要+20蚊。好唔抵飲！！整體每樣都加晒價。CP值真一般。難怪都少咗人幫襯