四季‧悅 日本餐廳 (遠東金融中心) (裝修中)

成日食放題， 今次想試下一啲高質嘅放題，要差唔多400蚊，可惜失望而回...刺身都算新鮮 ，而且有魚油嘅香味， 要成差唔多400蚊一個人， 相信呢啲質數都係預咗㗎啦！呢度有海膽壽司， 普通嘅放題餐廳未必有，呢個係加分位，可惜佢嘅海膽唔鮮甜，質素普通過普通， 但為咗返本嘅緣故， 都食咗好幾件。全晚最好食嘅熟食就係燒鰻魚 ，好肥美 ，燒得好香！ 其他嘅熟食例如羊架嗰啲就一般般啦，唔差，不過都唔會好高分，其實同出面二百幾蚊嘅放題差唔多質素， 所以對四季悅有啲失望。