樂天大喜屋 (已結業)

今日同朋友行開旺角,朋友又係日式食物的狂熱者,當然選擇日式放題,決定近近揀呢間地點就腳既樂天黎個瘋狂晚餐。差不多6點半,食店已坐滿8至9成客人,好爆場，地方又舒適，最緊要係走廊好闊絡，似其他放題咁迫，冷氣亦好夠涼空氣唔焗。未點食物前,當然去拿熟食和飲品先,熟食款食好多,選擇咗芝士腸,台式腸,鹵水雞翼及炸蠔等,好新鮮,味道水準，每樣點啲再開正餐。飲品方面也比其它同類食店多,包括有清酒、梅酒、黑荳奶、橙汁、竹庶水等,又有咖啡奶茶,可自行調配,罐裝飲品也有三十多款選擇。飲品好齊全,實有一款適合自己。至於食物種類也很多,最後點咗鹽燒牛舌、天婦羅蝦、豬頸肉、牛仔粒、雞翼串,各款都好入味,好有水準。壽司方面,款式也很多,食材好新鮮,手卷味道好正,好大份,炸軟殼蟹好脆好好食,三文魚係最正的,非常肥美。至於刺身拼盤也很有水準,甜蝦、螺片、象拔蚌、北寄貝、帆立貝等都非常好食。朋友也讚好不絕。甜品方面,又有哈根大師和movenpick(限揀一款)，同其他餐廳提供既雪條、細細杯既甜品食，種類很多。食物送來的速度也很快,店員態度也很友善。個人認為性價比值高得很，絕對值得encorn。