成都老碼頭火鍋 (已結業)

因為呢排都睇緊中醫，食嘢都好清淡，戒口好耐。咩海鮮，辛辣嘢，煎炸嘢都無食。今日決定解放味蕾，食餐麻辣火鍋，滿足下自己壓抑咗好耐嘅重口味。餐廳旺角同大角咀中間，旺角行去都唔係行好耐，十五分鐘到。裝修都幾靚，宮廷feel。我地呢啲嗜辣之人，就只係單點咗麻辣湯底，乜都要辣先好味。必點千層肚，黃喉，鵝腸，筷子牛肉，呢啲係除咗打邊爐好少會食到嘅嘢。都係同麻辣火鍋最夾嘅火鍋配料。飲品點咗桂花酸梅汁同椰子汁但食辣嘢都要飲啲冰涼啲嘅，之後加點咗沙冰，水蜜桃沙冰唔錯！最後點咗個甜品，紅糖糍粑，都幾好食。整體而言 配料選擇多，新鮮同分量都充足，麻辣湯底亦都有多款辣度可選擇，會想再嚟嘅麻辣火鍋。