影片
更多
2013-10-04
1620 瀏覽
多數食串燒既地方都係熱呀，逼呀同冇咁乾淨先有風味但有時係寧靜有藝術氣氛既地方食又幾有味道國慶日，出奇地好少人地方分上下兩層，見到佢地食物係下層拎上黎，可能係廚房？上層就有近１０張枱同ＢＡＲ位燈光偏暗，牆上有唔同既油畫同ＧＲＡＦＦＩＴＩ最特別係有部投映機播住日本既電視台！有意思見到店員都係後生仔女，但態度良好誠懇，主動介紹皇牌食品而且定時換碟同加水，照顧周到餐牌係好簡單既一張飲料一張串燒顏色鮮艷，分好哂類唔同推介有唔同數量既讚拇指店員推介既都係我地一早剔左想試的熱門海膽胡麻豆腐沙律唯一清淡既菜色胡麻汁真係冇得頂，只要有新鮮既蔬菜就咁食都已經好好味賣相非常好，大大磚切得方正既白豆腐係中間上面竟然有三大片長身加拿大既海膽！絕不欺場！海膽鮮味十足，豆腐挺身得黎又好香滑最重要係夠冰凍所有食材都好高水準，的確必叫涼拌ＷＡＳＡＢＩ牛脷好多片切到好薄味道淡淡的，ＷＡＳＡＢＩ味唔算重麻辣心燒一口蝦最鐘意可以燒酊連殼食既蝦份量好多條可惜我覺得唔夠惹味同香口可以燒重手Ｄ同調味勁Ｄ不過佢個皮真係咬落卜卜脆，唔錯田樂茄子好多人唔食茄子但田樂茄子係好多人必叫既菜好欣賞食到整既田樂茄子出面食到既多數都係好油，同埋茄
多數食串燒既地方都係熱呀，逼呀同冇咁乾淨先有風味
但有時係寧靜有藝術氣氛既地方食又幾有味道
國慶日，出奇地好少人
地方分上下兩層，
見到佢地食物係下層拎上黎，可能係廚房？
上層就有近１０張枱同ＢＡＲ位
燈光偏暗，牆上有唔同既油畫同ＧＲＡＦＦＩＴＩ
最特別係有部投映機播住日本既電視台！有意思
見到店員都係後生仔女，但態度良好誠懇，主動介紹皇牌食品
而且定時換碟同加水，照顧周到
餐牌係好簡單既一張飲料一張串燒
顏色鮮艷，分好哂類
唔同推介有唔同數量既讚拇指
店員推介既都係我地一早剔左想試的熱門
海膽胡麻豆腐沙律唯一清淡既菜色
胡麻汁真係冇得頂，只要有新鮮既蔬菜就咁食都已經好好味
賣相非常好，大大磚切得方正既白豆腐係中間
上面竟然有三大片長身加拿大既海膽！
絕不欺場！
海膽鮮味十足，豆腐挺身得黎又好香滑
最重要係夠冰凍
所有食材都好高水準，的確必叫
涼拌ＷＡＳＡＢＩ牛脷好多片切到好薄
味道淡淡的，ＷＡＳＡＢＩ味唔算重
麻辣心燒一口蝦最鐘意可以燒酊連殼食既蝦
份量好多條
可惜我覺得唔夠惹味同香口
可以燒重手Ｄ同調味勁Ｄ
不過佢個皮真係咬落卜卜脆，唔錯
田樂茄子好多人唔食茄子
但田樂茄子係好多人必叫既菜
好欣賞食到整既田樂茄子
出面食到既多數都係好油，同埋茄子係壓到好扁身
我自己就唔係覺得好好食
但今次佢仲係一個圓柱狀，上面滿滿既肉碎加麵豉
咁樣可以ＫＥＥＰ到個溫度冇咁快凍，又冇咁油
肉碎加麵豉好夠味，茄子大件又啖啖肉，勁香軟綿綿
正！
汁燒白鱔鱔又係另一樣必叫串燒
兩件啖啖肉
燒汁依附住充滿油香既鱔肉
真係肥美豐腴，個皮仲要燒到脆口，熱辣辣好正呀。。。
心燒龍串鳳即係蝦干釀雞翼
食個唔係太推介
食落好普通，蝦干太硬
如果用鮮蝦釀會好好多
仲有個有驚喜的香茜ＸＯ炒螺唔好睇佢黑媽媽一小碟咁唔起眼
原來好好食，食落覺得唔係ＸＯ醬係豆豉味
最鐘意原來加左香茜係咁夾，成碟即刻有哂層次
螺既份量好多好多，都非常有咬口，有少少過韌
不過同埋茶樹菇食真係好滋味
燒菠蘿又係個人大愛
好整齊既一條，仲切好一件件比你
不過我都係鐘意大大件咬落會爆汁果Ｄ
依到既一睇就知燒得未夠，又唔夠ＪＵＩＣＹ
都食左好多野，
但仲有好多其他菜想試
唔錯唔錯，會推介比人，亦會再黎！
張貼
