京都勝牛 (Tower 535) (已結業)

有排都無得返鄉下，點都要係香港食餐好既日本菜止下癮！今日同同事去銅鑼灣食日本過江龍吉列牛排專門店-京都勝牛。餐廳裝修溫暖日系，牆上掛左唔同既日本傳統畫作，令餐廳氛圍典雅溫馨。上菜時店員好熱心同專業咁介紹食法，有多款牛肉醬汁，包括咖喱醬，招牌牛扒醬，芥末醬油，山椒鹽，日式溫泉蛋等，另外有胡麻醬同和風沙律醬配椰菜。 👉特選日本黑毛和牛西冷套餐入面既味噌湯、麥飯同椰菜都可以無限添加。牛肉分量大方，黑毛和牛西冷三分熟，口感軟嫩，入口即溶，炸皮酥脆，配埋溫泉蛋同芥末醬油，開胃清爽！ 👉京都勝牛三味套餐性價比高，非常推薦第一次黎食既人叫呢個餐，因爲一次過可以試曬三種牛肉部位，包括菲力牛、翼板牛同醬味薄牛。菲力牛好軟腍，但比黑毛和牛少D油花，較為清爽。翼板牛會多少少筋絡，吃起來軟嫩適中有咬口。醬味薄牛就係用左餐廳自家醬汁調過味，唔洗配其他醬汁都夠味！ 👉🏻白桃蒟蒻冰茶、日式柚子茶：兩杯果茶唔會太甜，清新解渴！