翔龍拉麵小籠包 (已結業)

同好姊妹約喺觀塘食飯，又想食小籠包，又想近啲地鐵站，於是揀左喺OPC嘅翔龍。前菜叫左雞絲粉皮`份量都唔少，味道ok啦，合格嘅。砂鍋咸肉津白湯`湯嘅味道唔太咸，都唔錯，不過津白同豆腐卜比較多，好似仲多過啲湯咁。就係想食小籠包，所以當然會叫呢個。味道幾好嘅，皮又唔太厚 （但係個人覺得鼎泰豐嘅好味啲喇）~胡椒餅`比想象中嘅好味，個皮脆脆地，幾香口，口感都唔錯，食完唔覺得好膩。擔擔麵`味道其實調得唔錯，可惜食物上得太快，幾乎係一次過上晒枱，結果個麵擺耐左陣，“索”晒啲湯咁，淋左甜品叫左酒釀丸子，如果唔要丸子可以要湯圓架。略嫌丸子大粒左啲咁囉。