NUTMAD cafe and dining (已搬遷) 新店位置

原本同朋友食另一間餐廳，點知忽然休息，朋友就帶路食呢間，果然係好唔錯，地方幾大，嘢食好味。煙燻豬豬卡邦尼沒有忌廉但又做到creamy得嚟唔太漏，而且擺盤好別緻，見到都好想食。最驚喜就係呢個慢煮西班牙伊比利亞黑毛豬咖啡香料，入口有焦香味，肉質燒得軟腍，配上咖啡香料味道特別，好好食。凱薩沙律用嘅菜都好新鮮，最後嚟個我至愛嘅tiramisu 作結，呢個甜品都幾唔錯，如果再多少少酒濕潤啲更好。多謝朋友嘅生日飯，好滿足。好欣賞餐廳用駱駝嘜水壺畀客人斟水，有趣。