影片
更多
2018-06-26
1593 瀏覽
上年嚟呢度食係同同事一齊慶祝加薪，今年我地有同事升職，為食嘅我就趁機建議再次光臨啦。今日雖然係blue Monday但餐廳都有8成客人，所以雖然冇直播世界盃都依然熱鬧。【蟹肉龍蝦湯$68】質感就稀咗少少，不過龍蝦湯味道夠，飲落仲好似帶少少紅蘿蔔味道，幾特別。重點係蟹肉都幾多亦爽口，我鍾意食蝦蟹，呢個湯啱晒我。【白酒煮紐西蘭鑽石蜆$158】大大兜又大大粒，未食已經聞到好香牛油味，洋蔥香口，口感特別煙韌。下面仲有牛油汁，拎住隻蜆撈埋啲牛油汁，滋味升級。【美國Aspen Ridge天然安格斯嫩肩牛柳8安士$198】牛肉係Aspen Ridge品牌嘅天然安格斯牛，唔用抗生素、荷爾蒙、激素、全素食飼養，絕對安全。叫咗五成熟，肉質粉嫩軟棉多汁，肉味濃郁。上碟已經被切成一塊塊，搽埋香草牛油，更加香口嫩滑。必食推介。【澳洲銀槽魚$198】大塊嘅銀杏槽魚，魚皮稍為鹹咗啲但都有少少煙韌少少脆。魚肉就肉質鮮嫩，配上忌廉汁味道更豐富。主食係薯蓉加咗黑松露，唔怕太寡。【特濃朱古力心太軟配雲呢拿雪糕$72】同事最like心太軟，心太軟上面一粒龍珠果陪襯又幾精緻。可惜切開心太軟入面冇乜流心效果，還好朱古力味濃郁，不
【蟹肉龍蝦湯$68】
質感就稀咗少少，不過龍蝦湯味道夠，飲落仲好似帶少少紅蘿蔔味道，幾特別。重點係蟹肉都幾多亦爽口，我鍾意食蝦蟹，呢個湯啱晒我。
【白酒煮紐西蘭鑽石蜆$158】
大大兜又大大粒，未食已經聞到好香牛油味，洋蔥香口，口感特別煙韌。下面仲有牛油汁，拎住隻蜆撈埋啲牛油汁，滋味升級。
【美國Aspen Ridge天然安格斯嫩肩牛柳8安士$198】牛肉係Aspen Ridge品牌嘅天然安格斯牛，唔用抗生素、荷爾蒙、激素、全素食飼養，絕對安全。叫咗五成熟，肉質粉嫩軟棉多汁，肉味濃郁。上碟已經被切成一塊塊，搽埋香草牛油，更加香口嫩滑。必食推介。
【澳洲銀槽魚$198】大塊嘅銀杏槽魚，魚皮稍為鹹咗啲但都有少少煙韌少少脆。魚肉就肉質鮮嫩，配上忌廉汁味道更豐富。主食係薯蓉加咗黑松露，唔怕太寡。
【特濃朱古力心太軟配雲呢拿雪糕$72】同事最like心太軟，心太軟上面一粒龍珠果陪襯又幾精緻。可惜切開心太軟入面冇乜流心效果，還好朱古力味濃郁，不過不失。
【朱古力戚風蛋糕$62】戚風蛋糕即係香港人熟悉嘅雪芳蛋糕，質感鬆軟，外層有濃濃朱古力片，味道不錯。上面仲有一粒切片嘅新鮮士多啤梨。
希望下年到我升職，再嚟呢度慶祝啦。
張貼
