茶湯會 (已結業)

第一次認識茶湯會係喺台中, 平時好鐘意飲奶茶嘅我當時叫咗杯觀音拿鐵真係一試難忘, 之後發現原來佢係台灣珍珠奶茶始祖春水堂旗下品牌, 更加心心眼~  經好友通知話茶湯會嚟咗香港!! 即刻要去潮聖啦!!門面唔算大, 不過只係做外賣的話空間綽綽有餘。新張期內指定飲品買一送一, 不過唔可以自己轉小冰小甜, 因為驚唔夠時做喎。都啱嘅, 要試下原味先知下次點去調較架嘛。排隊嗰陣咁啱有個哥哥仔問我係咪都係叫觀音拿鐵, 我話係呀, 所以就買咗兩杯 ($22/杯) 買一送一即係$11/杯咋！不過味道好似比喺台灣嘅淡, 但茶味好香, 得閒經過都會嚟幫襯下嘅。