影片
更多
2015-04-08
425 瀏覽
假期日, 遲起床是常識吧… 好想食All Day Breakfast!!! 之前係德民街行車路大街, 在Towngas隔離, 有一間食All Day Breakfast, 價錢唔貴, 只係七十元, 但已經關門大吉. 現在開了一間新店在內街, 門口看餐牌, 有All Day Breakfast, 但沒有寫價錢, 第一印象已經唔太好.入內, 店員遞上餐牌, 只有飯餐, 價錢大概七、八十元, 主力出品是熔岩蛋飯, 搵唔到我最想食的All Day Breakfast.發現原來只在牆上寫著, 有兩款”All Day Breakfast”, 分別是熔岩蛋的$118和普通炒蛋的$108, 心諗: 既然出名的是”熔岩蛋”, 就揀你”最洒家”的提議吧.友人要了吉列豬扒熔岩蛋包飯, 兩款餐都包了一杯飲品, All Day Breakfast特別包了一杯特飲, 而蛋包飯餐, 就配了一杯咖啡. 先來了咖啡, 看到, 布些少失望, 作為供應西式All Day Breakfast的店, 幾唔願意, 平平地, 我估都要買翻部咖啡機囉, 有咩嘢理由用即沖咖啡架!?!? 無晒心機了…另一杯特飲, 以特色杯裝上, 入口,
假期日, 遲起床是常識吧… 好想食All Day Breakfast!!! 之前係德民街行車路大街, 在Towngas隔離, 有一間食All Day Breakfast, 價錢唔貴, 只係七十元, 但已經關門大吉. 現在開了一間新店在內街, 門口看餐牌, 有All Day Breakfast, 但沒有寫價錢, 第一印象已經唔太好.
入內, 店員遞上餐牌, 只有飯餐, 價錢大概七、八十元, 主力出品是熔岩蛋飯, 搵唔到我最想食的All Day Breakfast.
發現原來只在牆上寫著, 有兩款”All Day Breakfast”, 分別是熔岩蛋的$118和普通炒蛋的$108, 心諗: 既然出名的是”熔岩蛋”, 就揀你”最洒家”的提議吧.
友人要了吉列豬扒熔岩蛋包飯, 兩款餐都包了一杯飲品, All Day Breakfast特別包了一杯特飲, 而蛋包飯餐, 就配了一杯咖啡. 先來了咖啡, 看到, 布些少失望, 作為供應西式All Day Breakfast的店, 幾唔願意, 平平地, 我估都要買翻部咖啡機囉, 有咩嘢理由用即沖咖啡架!?!? 無晒心機了…
另一杯特飲, 以特色杯裝上, 入口, 有些少橙汁味, 又有些少其他生果味, 真係唔肯定係咩嘢材料, 但味道不差, 幾好飲, 只是份量其實好少, 因為超多冰塊.
吉列豬扒熔岩蛋包飯, $78 上台, 其實….唔算係蛋”包”飯, 因為根本唔係用蛋”包住”白飯. 吉列豬扒的外層脆粉, 顏色已經變得很深, 豬扒薄身, 加上炸得過火, 食落, 太乾和鞋口. 熔岩蛋做得出色, 用匙更攪開, 煮得大約六成半熟, 蛋汁從中流出. 入口, 好滑, 好好味.
白飯也加入了一些雜菜一起煮, 味道也好, 然而, 白飯本身做得未算好, 珍珠米的外型(唔肯定是否珍珠米, 因為沒有珍珠米的韌度), 雖未致於太淋和太軟, 但看見米尖有爛角. 另外, 重點的咖哩味道…哦…飯餐價格唔算貴, 唔好太醃尖了….我認為: 應該好啱小朋友囉…哈哈
Asobu Combo (All Day Breakfast), $118, 覺得價格定得略高, 這是尖沙咀的價格. 配熔岩流心蛋, 望落, 也算豐富. 餐牌上寫的沙律, 應該是車哩茄和幾塊羅馬菜吧. 普通白多士, 一塊切開三角, 一邊烘得燶, 一邊烘得不足. 中間一小兜茄汁豆, 熱的, 有誠意. 薯角, 微熱暖身, 滿意. 煙肉, 煎/炸的燶度, 十分合我心水 (但友人話太燶). 兩條香腸, 幼身的一條, 肉質煙韌彈牙, 粗身的一條, 類似維也納腸, 十分淋身, 一咬即散開, 不知是甚麼名堂的香腸, 一點也不好吃. 熔岩蛋, 與飯餐所供應的一模一樣, 好滿意, 為了這件蛋, 我會再嚟幫襯.
服務好, 店員有禮, 態度友善. 考慮這區和此店的價格 (只考慮我最鍾意食的All Day Breakfast, 我並不關心飯餐), 加上只有即沖咖啡, 暫時只可以給予”合格”, 希望店主快D買翻部咖啡機… 下次一定比個"Good"!
張貼
