大滿喜日本料理 (已結業)

難得全班人去玩，偏偏咁多人就好難諗食咩，大家都可能想食唔同嘅嘢。咁好彩見到一間放題，仲做埋火鍋。啱晒唔同人嘅口味，所以上去啦。首先當然係刺身，三文魚刺身係我最鍾意，因為好大塊，塊塊都有半個手掌咁大，仲要好厚身，一咬落去，魚油分怖係口，令人好滿足。因為同行有4個男仔，個個都好餓，佢地係瘋狂勁叫。值到讚係依間店上菜真係又快又準，完全可以滿足我地既肚仔。串燒方面，牛舌同蝦同雞串全部都好高質，雖然相中既份量好似好多，但由於味道好，比我地輕易甘進攻完畢新鮮炸好既天婦羅外皮好脆，蝦同鮮菇既內面仲有小小肉汁同菇汁，叫人點停口。其中一個講羊架好食，本身都怕羶，一試之下，果然值得一食，無羊肉嘅羶味，但有羊肉既香。經過刺身，串燒，天婦羅同埋羊架，其實我已經好滿足。當然佢地仲打埋邊爐，不停追加，最後食埋甜品。由此可知，其他野應該不錯。下次一班人諗唔到食咩，都可以揀返依間。