影片
更多
2013-04-22
107 瀏覽
果日阿媽生日，諗住同佢入元朗睇吓有咩好食啦！點知行過呢間扒房門口，阿媽話想食咸豬手，咁就去左呢間扒房試吓啦！點知果陣係晚上六點半左右都已經座滿人，等左十分鐘左右，已被人安排入坐！入到去，嘩！嘈到拆天呀！因為真係坐到檯檯滿！侍應好快就送上餐牌！我地點左一個鐵版牛柳，同德國咸豬手，點完............唔夠兩分鐘............個湯同多士已經送到...........真係快到有點可怕，個白湯味道一般，有啲淡，個紅湯就好鬼足料，好多牛肉片，味道幾鮮甜，塊多士好鬼死趣，好正！真係..........快到呢..........湯都未飲完.........隻豬手已經送到........個牛柳亦再一分鐘後趕到！講吓啲食物質素先！隻豬手大過兩隻男士拳頭，超巨型，味道幾好，好易入口，不過有啲肥，要切左塊皮食，隻豬手都好入味，係啲薯條有少少"淋"同唔熱囉！到個鐵版牛柳都好大塊，我叫左七成熟，切出嚟好軟，好正，而且無乜油，幾好食！不過呢度真係好抵食，埋單每位都係$80度！
點知行過呢間扒房門口，阿媽話想食咸豬手，咁就去左呢間扒房試吓啦！
點知果陣係晚上六點半左右都已經座滿人，等左十分鐘左右，已被人安排入坐！
入到去，嘩！嘈到拆天呀！因為真係坐到檯檯滿！
侍應好快就送上餐牌！
我地點左一個鐵版牛柳，同德國咸豬手，點完............唔夠兩分鐘............個湯同多士已經送到...........
真係快到有點可怕，個白湯味道一般，有啲淡，個紅湯就好鬼足料，好多牛肉片，味道幾鮮甜，塊多士好鬼死趣，好正！
真係..........快到呢..........湯都未飲完.........隻豬手已經送到........個牛柳亦再一分鐘後趕到！
講吓啲食物質素先！
隻豬手大過兩隻男士拳頭，超巨型，味道幾好，好易入口，不過有啲肥，要切左塊皮食，隻豬手都好入味，係啲薯條有少少"淋"同唔熱囉！
到個鐵版牛柳都好大塊，我叫左七成熟，切出嚟好軟，好正，而且無乜油，幾好食！
不過呢度真係好抵食，埋單每位都係$80度！
題外話/補充資料：
順帶一題，呢度啲侍應雖然真係忙到對腳好似未停過咁走嚟走走，但佢地都仲可以對啲客有講有笑，仲好有禮貌，呢種咁敬業樂業嘅精神，真係值得加許！
(以上食評乃用戶個人意見 , 並不代表OpenRice之觀點。)
張貼
