天后站清湯腩

營業中

休息中

今晚約咗老公去康城睇破·地獄，點解去咁遠，就係因為可換免費票。點知老公又OT又唔熟路，我地睇7:25pm，佢6:55pm才到，就係同層搵間快食。麵店整齊企理，環境光猛，有多張二人枱，亦有圓枱和卡位，都算坐得舒服。餐簿設計精美，而選擇都幾多元化，有清湯粉麵飯、咖喱粉麵、擔擔麵、飯類、淨食、酸辣粉麵和飲品。牛筋擔擔麵($59) 大大碗，黏滑嘅牛筋份量好足，滑嘟嘟，好有膠質；麵條煮得岩岩好，柔韌滑身；湯底不算很杰身，但味道香濃，鹹香中帶點香辣，好味！蠔油芥蘭（$21）粗壯翠綠，爽嫩無渣，蘸少少旁邊的蠔油，添上鹹鮮，不錯！清湯崩沙腩飯（$65+$6）非常抵食！大大件嘅崩沙腩半肥瘦，口感軟腍，牛味香濃，件件都連帶我最喜歡嘅筋膜，正！清湯鮮美，用來撈飯一流！仲有清甜多汁嘅蘿蔔，完全無渣，好腍嫩。