影片
更多
2012-12-27
57 瀏覽
九龍城間金滿堂係我地心水想試甜品之一 , 但一直就唔 arm 時間去食今日黎到淘大食團購o既拉面 , 失望而回 , 要搵返 d 好野慰藉胃口 , 於是黎碰碰運氣 , 睇下金滿堂等得耐唔耐 , 點知即刻有位喎 ~呢度 d 甜品款式多得很 , 而且 d 名仲好有趣 , 係賣點之一其實好多款都好吸引 , 但我鐘情宇治金時 , 另外仲叫左個刨冰同埋一個好可愛o既麥提莎糯米糍 , 落左單一分鐘都無 , 野食就陸續上台 , 真係好快 , 快得黎唔係求求其其o個種 ~1. 麥提莎糯米糍~ 其實唔係幾似糯米糍 , 用冰皮包住原粒麥提莎 , 口感外軟內脆 , 細細粒咁 , 好得意亦都好有創意 2. 宇治金時~ 呢個宇治金時好豐富 , 除左一般o既綠茶雪糕 , 綠茶刨冰 , 紅豆 , 小丸子之外, 仲加左水晶珠同椰果個刨冰稍為甜左 d , 而且整個除左個雪糕之外綠茶味都唔係幾突出 , 加上椰果本身係甜中帶酸同綠茶紅豆o既味道唔係咁夾 , 不過水晶珠就好有咬口整個中規中矩 , 下次可以捨棄佢試下其他野 3. 鴛鴦雙冰~ 鴛鴦雙冰包括左兩個意思 , 第一係刨冰有兩隻味 ,一邊係芒果味 , 味道有 d 似台灣
今日黎到淘大食團購o既拉面 , 失望而回 , 要搵返 d 好野慰藉胃口 ,
於是黎碰碰運氣 , 睇下金滿堂等得耐唔耐 , 點知即刻有位喎 ~
呢度 d 甜品款式多得很 , 而且 d 名仲好有趣 , 係賣點之一其實好多款都好吸引 , 但我鐘情宇治金時 , 另外仲叫左個刨冰
同埋一個好可愛o既麥提莎糯米糍 , 落左單一分鐘都無 ,
野食就陸續上台 , 真係好快 , 快得黎唔係求求其其o個種 ~
1. 麥提莎糯米糍
~ 其實唔係幾似糯米糍 , 用冰皮包住原粒麥提莎 , 口感外軟內脆 , 細細粒咁 , 好得意亦都好有創意
2. 宇治金時
~ 呢個宇治金時好豐富 , 除左一般o既綠茶雪糕 , 綠茶刨冰 , 紅豆 , 小丸子之外, 仲加左水晶珠同椰果
個刨冰稍為甜左 d , 而且整個除左個雪糕之外綠茶味都唔係幾突出 , 加上椰果本身係甜中帶酸
同綠茶紅豆o既味道唔係咁夾 , 不過水晶珠就好有咬口
整個中規中矩 , 下次可以捨棄佢試下其他野
3. 鴛鴦雙冰
~ 鴛鴦雙冰包括左兩個意思 , 第一係刨冰有兩隻味 ,一邊係芒果味 , 味道有 d 似台灣食到o既金芒果味
比平時用o既芒果糖漿更加香 , 而且味道無咁假另一邊係紅桑苺味 , 偏酸但好清新 , 配搭相當夾
第二個意思係 , 就係刨冰內再有一球芒果雪糕
味道無特別 , 但創意無限 , 加埋種種配料 , 口感十足~ 呢餐甜品好滿足 , 好快有位 , 好快有得食 , 好快食完
好想快 d 再黎食過 , 試晒佢地 d 原創甜品 , 相當都有一定水準
張貼
