Fûhn (香港逸東酒店)

營業中

休息中

想食個快而不頹既晚餐，我地就去左eaton hotel 係地庫既foodcourt搵野食啦。地方都幾大，有唔同既座位類型，highchair, 四人方桌，卡位，一排過既單人位都有。我地今晚就決定要食越南野！越南野就一定要配Avocado shake啦！又香又濃又滑又消暑，真係必叫！香茅豬扒飯配春卷，豬扒係極淋極嫩，我未食過香茂豬扒可以唔洗暴力咬開佢嫁！佢仲配左少少pickles好fresh好食！春卷就發揮正常，熱辣辣脆卜卜～ 我就叫左個特別牛河regular size但都好大碗，最後都食唔晒要比老公清埋佢。因為佢有太多選擇啦所以我簡呢個就可以一次食晒牛肉牛腩牛柏葉牛丸啦！個湯好清甜！所有配料都好重牛味，牛丸好彈牙，一定要叫！ 我仲加左兩隻牛油雞翼，炸得勁香勁脆，入面仲好滑，抵加！眼闊肚窄既我地仲叫左半個法包，入面好足料，火腿札肉肉碎pickles…雖然好飽但都食左半個覺得超級好食，下次行經買黎做下午茶都正！ 不過呢個foodcourt都幾早收，八點半黎到基本上已經last order左所以想食就早d黎啦！