南洋 (已結業)

辛苦搵來志在食，琴日工作都幾勞碌，夜晚唔想買餸返屋企煮，就系公司附近食。之前路過吳松街嘅南洋，覺得幾吸引，所以今晚就嚟呢度開餐。我點咗椰汁冰，因為太口渴，出面好曬好熱 ，飲返啖椰汁冰，真係感覺去咗南洋，嘻嘻。朋友就簡簡單單叫咗熱菜蜜。來到這裡，一定要試下南洋肉骨茶，大大煲裏面好足料，有雞腳，金沙骨，豬腩肉。肉骨茶飲落去口感豐富，有藥材同肉香，越飲越想飲，對身體好好另外叫左個越式炒金邊粉，唔好睇小佢，分量多，兩三個人share都冇問題。入面仲有啲大蝦，豬肉，紅黃椒，上面有好多花生碎，夠香口。餐廳上菜快，所以好快食完，快靚正嘅選擇👍