熊妹成日係朗豪坊經過見到呢間笑哈哈咖啡店《Smiley Cafe 》，好多哈哈笑臉
，黃今今好搶眼，今日終於黎試試。
西餐小食甜品為主，岩哂熊妹口味的咖啡店。
星期六下午茶時段都算多人，人流源源不絕。
熊妹呢排食緊減肥餐，今日可以食牛排🥩，一黎就睇中香煎肉眼排配薯菜，$118。好大一塊肉眼排喎，表面煎到熟，內𥚃仲係好鮮明的紅肉，但一啲血水都無，大概係6，7成熟吧，唔係好冧但又唔韌唔鞋口，呢個價錢有咁的質素係好抵食
！薯條🍟係粗身的，份量好多
，但熊妹不能吃，益哂俾小雞P助，仲要不斷大讚薯條好味好好味，真係吸引死熊妹
，最後小雞P助清哂。伴碟仲有少少沙律菜☘️，幾新鮮，多少少芝麻醬汁會夠味啲。
1
小雞P助唔係太肚餓，所以叫左份小食，蜜香雞翼伴薯菜，$48。雞翼有5隻，熊妹試左一隻，幾好味喎！係蜜糖雞翼，雞肉好嫩，蜜糖汁好入味，唔係好大一隻，小食黎講絕對夠口喇
。拌碟有熊妹點的肉眼排一樣的沙律菜同粗薯條，不過份量就少啲，咁的價錢都合理的。
今次真係無黎錯呢間店，原來平價都會食到咁好美食，仲要係朗豪坊地段，熊妹知道呢個鋪位轉左幾次手，希望《Smiley Cafe 》企得住腳喇，熊妹會再來encore的，加油
！
