影片
更多
2008-11-07
3 瀏覽
今晚突然有人陪我一同食飯---“肥豬和漲爆”這倆公婆 首選係「宜豐」，但因為無位，所以就改地點，去左都係食扒類既「第尾牛扒」呢度真係咩都快...一坐低唔駛10秒就要落order 跟住第二個10秒內就有餐湯同麵包 飲完湯10秒內就有人來收哂d野 主菜就要多少少時間至到...大約是完成餐湯後3分鐘內吧...速度真係快得驚人 呢度既落單至埋單既速度，真係好配合現今香港咩都快、快、快，講求效率既時代...但其實又真係駛唔駛急成咁呢﹖﹖ 諗諗下...我地都唔係好趕時間啫...哈哈 是晚，我地試左﹕肥豬 歎的「鐵板牛仔排配黑椒汁」，$5X﹕我無試呀，因為我都唔食牛肉既...但我訪問左肥豬，佢話都ok好食，不過就有d “un”，佢話呢個價錢，呢個鐵板都可以接受架喇漲爆 要既「咖哩石斑飯」，$5X﹕漲爆先生好好人，佢分左一塊俾我同佢老婆---肥豬 試食 唔...d咖哩一般貨色啦 香就唔係咁夠香...辣就又係唔夠辣...味就...唔難食啦魚味就一定無乜架喇...但起碼唔係雪味啦 飯就無試到...因為我怕「漲先生」唔夠食啦...哈哈我度過後才叫的「鐵板蝦皇豬雞扒配黑椒汁」﹕我無試到隻蝦呀因為呢樣野我可食可
呢度真係咩都快...一坐低唔駛10秒就要落order 跟住第二個10秒內就有餐湯同麵包 飲完湯10秒內就有人來收哂d野 主菜就要多少少時間至到...大約是完成餐湯後3分鐘內吧...速度真係快得驚人 呢度既落單至埋單既速度，真係好配合現今香港咩都快、快、快，講求效率既時代...但其實又真係駛唔駛急成咁呢﹖﹖ 諗諗下...我地都唔係好趕時間啫...哈哈 是晚，我地試左﹕
肥豬 歎的「鐵板牛仔排配黑椒汁」，$5X﹕我無試呀，因為我都唔食牛肉既...但我訪問左肥豬，佢話都ok好食，不過就有d “un”，佢話呢個價錢，呢個鐵板都可以接受架喇
漲爆 要既「咖哩石斑飯」，$5X﹕漲爆先生好好人，佢分左一塊俾我同佢老婆---肥豬 試食 唔...d咖哩一般貨色啦 香就唔係咁夠香...辣就又係唔夠辣...味就...唔難食啦魚味就一定無乜架喇...但起碼唔係雪味啦 飯就無試到...因為我怕「漲先生」唔夠食啦...哈哈
我度過後才叫的「鐵板蝦皇豬雞扒配黑椒汁」﹕我無試到隻蝦呀因為呢樣野我可食可唔食，所以就俾左「漲先生」 等佢愈來愈「漲」呀!!!卡..卡..卡..得一 塊雞扒...呢度既無「宜豐」果d咁厚&滑...豬扒就...唔“un”囉，但就幾薄...d薯條...幼波浪紋薯條，都ok既~~兩塊扒加隻蝦，未加一，$ 86...抵唔抵呢﹖﹖自己衡量下啦
餐飲分別叫左﹕凍OT、凍奶茶 及 凍O6，飲料無咩特別好唔好~~
食完後又係10秒內有人黎收哂d野兼問你食左甜品未...真係奇快既速度呀!!! 甜品，雪糕到喇，但無得俾你揀...放低係咩味就咩味... 好彩侍應放低左2杯黑(朱古力味)、1杯白(雲尼拿味)，所以我先可以手快快揀左先....哈哈 我食既「白」都OK既，牛奶公司既出品啦~ 「黑」就唔知喇..忘了訪問佢地倆公婆忝...
總括來說，若然趕時間既，黎呢度食就VERY GOOD喇~ 價錢係幾抵既~ 味道都唔係差~ 平心而論，呢個價錢食呢D食物，今時今日黎講，OK架喇~
張貼