不籽是咖啡 (藝里坊・1號)

營業中

休息中

今日喺2號完成驗收之後，就過咗隔離呢間咁 chill 嘅 coffee shop 度試下，餐廳環境 chill 爆，係繼油麻地之後嘅第二分店，一入門口右手面係一列地下鋪咗白色小石春嘅枱櫈，配以全店淺木色與及多種植物嘅裝飾，相當有格調。葡萄柚高山茶 / 野莓梳打，西柚高山茶味道清甜，而帶陣陣嘅茶香；野莓梳打有氣得嚟甜度唔高，好讓野莓味道好好發揮。柚子醬蜜糖雞翼，廚師細心將雞翼拆成單骨，方便進食，雞翼嘅醬汁富蜜糖嘅香甜而帶有柚子味，我非常鍾意。炸雞煎蛋牛角酥窩夫，呢隻牛角酥窩夫印像中我係第二次食，做法係直接攞個牛角酥用格仔餅機壓成格仔嘅形狀，可以保留住牛角酥嘅酥但係會更加脆，炸雞嫩滑入味，配上流心嘅蛋漿，非常好味。北海道乾貝火龍果燉飯，廚師將乾貝微微煎香，火龍果燉飯感覺清新，初時仲以為佢係紅菜頭，食落有淡淡嘅清甜味道，感覺清新健康，同餐廳嘅環境好夾。淨係計及餐廳嘅環境，已經能成為走九遍嘅理由。