Cheers (已結業)

喺旺角想飲嘢，好多時都會諗起太子旺角警署外面條”酒吧街”。以前都會同朋友過嗰邊，不過近年工作忙，都好少閒情逸致搵朋友去過個邊飲嘢。我最近就比較喜歡去旺角黑布街，呢條黑布街啱啱笠左入去，旺中帶靜，而且仲有好幾間好正既食店同酒吧，不過一條友飲野嘅我就比較多去Cheers。酒吧睇好多樣嘢，好講feel，要睇環境、氣氛、服務、仲有bartender整cocktail嘅功力等等。手功啤吧就簡單啲，睇下有咩牌子同口味。呢間酒吧以本地手功啤為主打，牌子同口味（對我而言）都有足夠選擇。飲啤酒口味好過人化，所以無話好唔好味，你要IPA、Ale、Stout、Cider都有，有啲口味就比較特別，不過我就無試過。我自己通常飲12號Coffee Stout，有貨嘅就會飲下11號嘅smoke porter，想個人有feel啲嘅就㨂一代宗師。不過IPA唔係個個鍾意，新手可以叫bartender 俾少少你試左先。仲有一個我會㨂呢間度飲嘢嘅原因就係呢度啲野食。我今次一個人諗住坐一個鐘，所以只係飲咗兩杯，無叫嘢食，不呢度啲嘢食係同一般酒吧唔同，全部都係好有特色。我就首推薦　小西灣軍師雞，另外就係山渣咕嚕雞軟骨同沙沙豬西，