更多
2021-10-10
2251 瀏覽
趁老婆生日,嚟到東涌「富諾特酒店」Staycation,兩公婆開開心勻玩咗兩日一夜,行程豐富,依一刻都接近尾聲,晌東薈城買埋戰利品,打算晌東涌食埋晚飯先走,順便當埋生日飯。晌噚日嚟到東薈城二期嘅「Wheatfield X 羅宋湯專門店」食完晚飯後,落幾層見到這一家「稻成京川滬」,就決定「最後晚餐」晌呢度食,因為兩、三年前幫襯過佢哋嘅葵芳店,印象幾好。有時搵食之道,就喺翻兜食過嘅好店,穩穩陣陣!一來是日喺閒日,二來嚟得早,入座時都喺六點多啲,客人未喺好多,就方方便便坐近門口嘅卡位,故無入到最深嘅位置,未知裡面大堂喺點,但望上去餐廳環境都幾雅緻,而地方闊落,啲卡位亦好寬敞,感覺讓人坐得頗為舒適。雖然晌門口已經棟咗出嚟,佢哋嘅稻成酸菜鮮鱸魚喺招牌,不過,我咃就無試到,因為我咃得兩個,都驚食唔晒,或喺食得呢樣,就食唔到嗰樣,再者,老婆佢就想食得輕怡少少,唔想食得太多、太飽! 至於其他食物,一張點菜紙,底面兩版就睇晒,有齊埋水煮菜式、冷盤小碟、滋味海鮮、肉類小菜、豆腐蔬菜、湯羹、手工點心、飽肚主食、飯後甜品及飲品……等等。順帶一提,茗茶每位收$8,而前菜一小碟收$15。 竹蔗茅根 $18今日行咗
今日行咗成日,一坐低,第一時間就叫咗兩杯竹蔗茅根,因為今日天口熱,真喺要潤一潤。杯竹蔗茅根又幾清爽,竹蔗味都幾濃,甜得嚟自然,卻唔會太甜。 羊肚菌螺頭燉雞湯 $68
老婆一向都好鍾意飲湯,所以,專登點個燉湯俾佢嘆。雖然,個湯睇落「黑鼆鼆」,但就極之足料,而且,飲落就知好夠火喉,味道好醇和,濃香而不混濁,貨真價實,真喺好好飲。
$68
16 瀏覽
0 讚好
0 留言
老婆一向食嘢都偏素,所以,前菜冷盤就睇中呢一道素腐方。咪睇佢好似簡簡單單嘅一堆腐皮咁,入口涼涼哋,好清爽,仲好有豆香,口感軟綿卻有帶少少煙韌感,差唔多大部份都喺佢食晒。
$52
11 瀏覽
0 讚好
0 留言
小弟就想食煎窩貼,因為,都好似好耐未食過,一客4隻,隻隻都包得飽滿。一咬落去,個餃底又脆又香口,而啲豬肉打得好鬆化,又富肉汁,沾上少少醋汁,就更加好食。 稻成小籠包 $42
上次到訪「稻成」都有試其小籠包,確喺做得有水準嘅,今次當然又翻兜。小籠包摺紋平均,外皮搓得夠晒薄,咬開就見,肉饀鬆化唔在講,裡面仲有好多湯汁,最啱老婆就喺無話溝咗好多肥豬肉嘛。
$42
9 瀏覽
0 讚好
0 留言
最後,來一道炒清菜作結,翡翠苗本身口感就喺好爽口,而味道又好清新,伴以蟲草花,就唔單只健康,仲好有益。個人就覺得最討好就喺唔會好油膩,感覺清新。 今餐唔喺食好多嘢,只喺少少點心,一些素菜,但幾道菜式都好合我咃嘅口味,尤其老婆,佢真喺寧願清淡少少,都唔想太油膩,所以,食嘢平貴都其次,最緊要喺啱心水。
張貼