影片
更多
2005-12-27
13 瀏覽
1) 飛單都唔係咩新奇事. 我記得我第一次去呢間野係聖誕節後假期, 飛單飛到暈. o個次食到一肚氣, 不過見佢爆晒, 就原諒佢. 及後再去多兩次都係閒日, 場唔算太爆, 但一樣勁飛單.2) 樣野食已經無晒但係又唔出聲. 求其俾D唔知乜野你, 又唔問個客會唔會食. 有時根本你點左樣新野, 都唔知佢咩樣; 覺得好食, 下次再叫又唔係呢樣野黎.3) 無端端拎D無叫過o既野黎初初以為係去錯台, 不過經過咁多次, 我覺得係策略多. 俾D平夾飽o既野你地, 如果食埋, 咁相對貴夾唔飽o既野, 好似刺身咁, 就會叫少左. 其實, 打得開門做生意就老實D啦.4) 無侍應會得閒理你總要叫好多次先有人理你. 理左你又唔代表會幫你...5) D野上得慢一個牛油焗金菇, 竟然要焗一個鐘以上. 我地無追過單, 所以, 應該算係上得慢. 人手唔夠, 就唔好做咁多台客啦.6) 贈品?!連佢張優惠券, 可能會有D額外野送俾你食, 好似俾個鑊仔你烚野, 或者俾個爐你燒牛肉咁. 有時一坐低, 疊食物紙度會零零丁丁有一張只可以點一次o既食物紙. 如果你以為點左佢D矜貴野有著數... sorry, 我覺得只係食到你飽D on
都唔係咩新奇事. 我記得我第一次去呢間野係聖誕節後假期, 飛單飛到暈. o個次食到一肚氣, 不過見佢爆晒, 就原諒佢. 及後再去多兩次都係閒日, 場唔算太爆, 但一樣勁飛單.
2) 樣野食已經無晒
但係又唔出聲. 求其俾D唔知乜野你, 又唔問個客會唔會食. 有時根本你點左樣新野, 都唔知佢咩樣; 覺得好食, 下次再叫又唔係呢樣野黎.
3) 無端端拎D無叫過o既野黎
初初以為係去錯台, 不過經過咁多次, 我覺得係策略多. 俾D平夾飽o既野你地, 如果食埋, 咁相對貴夾唔飽o既野, 好似刺身咁, 就會叫少左. 其實, 打得開門做生意就老實D啦.
4) 無侍應會得閒理你
總要叫好多次先有人理你. 理左你又唔代表會幫你...
5) D野上得慢
一個牛油焗金菇, 竟然要焗一個鐘以上. 我地無追過單, 所以, 應該算係上得慢. 人手唔夠, 就唔好做咁多台客啦.
6) 贈品?!
連佢張優惠券, 可能會有D額外野送俾你食, 好似俾個鑊仔你烚野, 或者俾個爐你燒牛肉咁. 有時一坐低, 疊食物紙度會零零丁丁有一張只可以點一次o既食物紙. 如果你以為點左佢D矜貴野有著數... sorry, 我覺得只係食到你飽D only, 絕對唔係咩矜貴野. 唔岩食就唔叫好過.
7) 唔係你點幾多就俾幾多你
假設佢話, 每項食物數量最高只可點到全台人數, 我諗佢只能做到, 最多俾到全台人數就算. 有時你一台六人, 點六件, 佢俾四件你; 你連出兩張單係刺身, 佢多數先會飛你一張單, 另一張又俾唔齊你.
8) last 30min, 佢已經唔多理你
即使你last call D野, 或last call 之前o既野未到都好. 係咪收左錢就唔使再理個客? 雖說係平, 但咁做生意, 如無必要, 人地都好難再黎. 事實上我下次寧願去第二間日式料理, 百幾蚊一位, 至少服務質素okay. 我又唔係俾唔起.
結論: 我身邊唔少人因為廣告/優惠券而黎呢間野食蒲飛, 原因只係廣告睇起黎好吸引. 不過我覺得, 咁樣o既生意手法略有不老實之嫌, 而佢食物上都只係中或中下. 想要好好地食返餐而唔係食到一肚氣, 都係另外搵過間好過喇.
張貼