吉列牛忌廉烏冬專門店 (百樂中心) (已結業)

今日去到銅鑼灣，真係周圍有好多嘢食，之後睇吓OpenRice！最後最後都係揀咗呢一間吉列牛忌廉烏冬專門店😌俾佢嘅香辣炒麵吸引咗🤣🤣🤣呢個炒麵好得意！一上枱嘅時候完全唔覺得佢係一個炒麵，心諗，係唔係比錯咗我😂😂成個蛋糕咁！好搞笑！！結果佢出奇地好食！上面嘅忌廉個感覺好似”梳乎厘”😌將佢嘅醬料同埋忌廉同埋炒麵撈埋一齊！結果係平時喺出面食唔到嘅口感同味道，炒麵嘅辣有少少韓式嘅感覺，加埋忌廉嘅甜中和返少少，就算唔係好食得辣嘅我都食得好過癮好滋味🤪另外呢個蕃茄濃湯黑豚肉亦都做得相當出色，而且黑豚肉有好多塊，食極都仲有好正👍🏻而且肉質好好食，唔似出面一般食到嘅豬肉片！