沐淳 (已結業)

呢幾日終於都出返太陽，陽光普照特別熱，最岩飲返杯冰凍茶飲～今次試左呢間大受好評既沐淳，有我最愛既大甲芋頭系列，適逢夏日仲有多款沙冰供選擇～必點TOP 1大甲芋頭系列，揀左小芋圓大甲芋頭鮮奶另加芝雪。嚴選台灣直送大甲芋頭同小芋圓，堅持新鮮手工熬煮，食落特別煙韌Q彈！用上明治4.3鮮奶夠哂香滑而且奶味重，芋奶入口香甜綿密，芋泥香醇滑順，加入帶鹹香芝雪，豐富口感層次～朋友仔揀左楊枝甘露，大大杯好足料，飲落清甜滑潤，有新鮮香甜芒果肉、葡萄柚等，甜度剛好，帶點微酸，開胃又解渴。