影片
更多
2020-09-22
84 瀏覽
今日落大雨就係公司附近食晚餐，同事介紹東廣場對面有間食小菜既質素唔錯，於是跟佢黎試下!桂花烏龍一坐低店員就問想飲D咩，睇下DRINK MENU，見有平時好少地方有既桂花秋龍就叫黎試下~壺茶用左個好別緻既茶壺裝住，沖一杯出黎試下，桂花香味撲鼻，烏龍仲可以去油解膩，一路食飯一路飲就最岩!煙燻溏心蛋/黑磚豆腐上OPENRICE睇到人地食呢兩款前菜勁吸引，於是就叫埋黎試下~煙燻溏心蛋切半俾客人睇得清楚入面既流心蛋黃，全流心好吸引，味道方面好有煙燻味，溏心蛋而家好多人都識係屋企整，但呢個煙燻溏心蛋既味道就真係唔係咁易係屋企可以整得到。正! 而黑磚豆腐我就係俾佢既外表吸引，你望落去以為係似台灣既臭豆腐，但擺入口咬一啖，就知道唔係臭豆腐，而係外脆內滑既炸豆腐!呢個味道好好，外表亦非常特別!值得一試!冰鎮新鮮菠蘿咕嚕肉見到隔離檯叫已經流哂口水，係食物之餘仲可以話係藝術品，一盤冰鎮既咕嚕肉，中間用上拉糖黎點綴，睇得又食得! 雖然係冰鎮但咕嚕肉保持熱辣辣，(除非你唔小心整左落D冰度XD) 菠蘿用上新鮮既，唔係普通罐頭切片菠蘿!難得既係新鮮既都唔會好酸，同咕嚕肉配簡直係最佳配撘!自家制南瓜汁菠菜豆腐煲呢款係
桂花烏龍
一坐低店員就問想飲D咩，睇下DRINK MENU，見有平時好少地方有既桂花秋龍就叫黎試下~壺茶用左個好別緻既茶壺裝住，沖一杯出黎試下，桂花香味撲鼻，烏龍仲可以去油解膩，一路食飯一路飲就最岩!
煙燻溏心蛋/黑磚豆腐
上OPENRICE睇到人地食呢兩款前菜勁吸引，於是就叫埋黎試下~煙燻溏心蛋切半俾客人睇得清楚入面既流心蛋黃，全流心好吸引，味道方面好有煙燻味，溏心蛋而家好多人都識係屋企整，但呢個煙燻溏心蛋既味道就真係唔係咁易係屋企可以整得到。正! 而黑磚豆腐我就係俾佢既外表吸引，你望落去以為係似台灣既臭豆腐，但擺入口咬一啖，就知道唔係臭豆腐，而係外脆內滑既炸豆腐!呢個味道好好，外表亦非常特別!值得一試!
冰鎮新鮮菠蘿咕嚕肉
見到隔離檯叫已經流哂口水，係食物之餘仲可以話係藝術品，一盤冰鎮既咕嚕肉，中間用上拉糖黎點綴，睇得又食得! 雖然係冰鎮但咕嚕肉保持熱辣辣，(除非你唔小心整左落D冰度XD) 菠蘿用上新鮮既，唔係普通罐頭切片菠蘿!難得既係新鮮既都唔會好酸，同咕嚕肉
配簡直係最佳配撘!
自家制南瓜汁菠菜豆腐煲
呢款係被”自家制”3個字吸引南瓜汁菠菜豆腐煲，唔好以為係菠菜同豆腐兩樣分開既材料做成一個煲咁簡單，呢度係用上菠菜混合埋豆腐做成一件件菠菜豆腐!真伙非常特別!咬落非常嫩滑，南瓜汁香濃，撈飯一流!
總括黎講呢間餐廳頗見用心~值得推介~
張貼
