地中海休閒餐廳 (已結業)

同朋友慶祝生日，加上朋友係九龍塘附近返工，遷就下佢，就係附近發掘一下啲cp值高既餐廳；就比我發現了浸會大學附近既一間以地中海及亞洲美饌為主打菜式既餐廳，睇完餐廳既介紹，就揀呢間啦😍交通方面，個人建議夏天的話又怕熱，可以係尖沙咀/旺角轉208巴士過黎，浸會大學門口落車，再行過去就最近；或者係九龍塘地鐵站再行過去，大概15分鐘😊環境相當舒服悠閒，好適合黎聚會慶祝，枱與枱之間既空間好闊落，唔會比人有好拘謹既感覺🤗🌟63°C溫泉蛋配松露忌廉汁炒雜菌 $78🌟未食都已經聞到好香濃既松露味🤩將溫泉蛋和雜菌一齊均勻搞拌後，口感更加香滑可口🤤🌟是日餐湯 - 忌廉蘑菇湯🌟最估唔到既係呢個是日餐湯都好有驚喜😵加$38就飲到，但質素絕對係可以媲美高級西餐廳既價錢，好濃郁有層次感既蘑菇湯，呢$38絕對值得加😍🌟溫泉蛋卡邦尼意粉 $128🌟份量非常十足! 加左溫泉蛋，口感比以往食開既卡邦尼意粉無咁乾身，好creamy😋🌟威靈頓牛柳 $388🌟食完意粉已經有啲飽了，不過都要食呢個看似簡單但其實背後既做法係好複雜既「威靈頓牛柳」；呢個係好傳統既做法，加了鵝肝醬，香港好少地方可以食到咁經典既菜式了，真心要比個讚師傅👍