更多
2017-11-30
2729 瀏覽
1️⃣迷你砵仔糕迷你砵仔糕一盒裏面有8舊，可以全部揀晒白糖或者黃糖，或者好似小編咁每樣一半。小編比較嗜甜，所以都係比較鍾意食黃糖多啲☺️砵仔糕的的骰骰就算一啖一個都冇問題，而且小編覺得呢間嘅砵仔糕好似比之前食過果D入口時比較清涼少少。另外佢哋呢度嘅砵仔糕都幾煙韌下，幾啱小編嘅口味。而且呢度嘅紅豆真係一粒粒咬落去超級有口感，係屬於比較硬身少少嘅紅豆，紅豆味仲幾香下添！重點係價錢一啲都唔貴，小編應該都會搵機會再幫襯過😂價格：HKD $12 / 盒2️⃣芝麻卷 X 馬蹄卷 X 椰汁卷A)芝麻卷雖然佢呢隻芝麻卷都頗有芝麻味，不過小編更加鍾意食芝麻糊味嗰隻嘅芝麻卷，但呢個隻芝麻味就比較似係磨出嚟嗰隻嘅芝麻味，其實都算唔錯，只係小編唔識欣賞😂B)馬蹄卷馬蹄卷食落屬於係清甜，並唔係一味死甜。而且佢裏面嘅馬蹄都幾爽口下。另外佢哋嘅馬蹄卷其實都做得幾薄下👍C)椰汁卷呢個椰汁卷嘅椰汁味真係超級香而且裏面有一粒粒嘅紅豆喺度，雖然啲紅豆就冇咩味，不過加落去口感就變得豐富左，而且佢呢個椰汁卷好滑身啊！價格：HKD $12 / 盒3️⃣自選糕點A)芝麻糕佢哋嘅芝麻糕超級「聚」手，望落仲幾有光澤下添！芝麻糕裏面有磨碎左嘅芝麻粒，
1️⃣迷你砵仔糕
迷你砵仔糕一盒裏面有8舊，可以全部揀晒白糖或者黃糖，或者好似小編咁每樣一半。
小編比較嗜甜，所以都係比較鍾意食黃糖多啲☺️砵仔糕的的骰骰就算一啖一個都冇問題，而且小編覺得呢間嘅砵仔糕好似比之前食過果D入口時比較清涼少少。另外佢哋呢度嘅砵仔糕都幾煙韌下，幾啱小編嘅口味。而且呢度嘅紅豆真係一粒粒咬落去超級有口感，係屬於比較硬身少少嘅紅豆，紅豆味仲幾香下添！
重點係價錢一啲都唔貴，小編應該都會搵機會再幫襯過😂
價格：HKD $12 / 盒
2️⃣芝麻卷 X 馬蹄卷 X 椰汁卷
A)芝麻卷
雖然佢呢隻芝麻卷都頗有芝麻味，不過小編更加鍾意食芝麻糊味嗰隻嘅芝麻卷，但呢個隻芝麻味就比較似係磨出嚟嗰隻嘅芝麻味，其實都算唔錯，只係小編唔識欣賞😂
B)馬蹄卷
馬蹄卷食落屬於係清甜，並唔係一味死甜。而且佢裏面嘅馬蹄都幾爽口下。另外佢哋嘅馬蹄卷其實都做得幾薄下👍
C)椰汁卷
呢個椰汁卷嘅椰汁味真係超級香而且裏面有一粒粒嘅紅豆喺度，雖然啲紅豆就冇咩味，不過加落去口感就變得豐富左，而且佢呢個椰汁卷好滑身啊！
價格：HKD $12 / 盒
3️⃣自選糕點
A)芝麻糕
佢哋嘅芝麻糕超級「聚」手，望落仲幾有光澤下添！芝麻糕裏面有磨碎左嘅芝麻粒，不過小編就略嫌芝麻味唔係好夠。另外口感都好豐富，咀嚼度十足，食落都幾有層次感架！
B)白糖糕
白糖糕大件得來尼又夠厚，而且仲幾晶瑩潔白下。入口食落甜而不膩，可以稱得上係清甜。食落都幾爽口彈牙，不過食落有少少酸，個人就覺得一般。
C)黃糖砵仔糕
尼個砵仔糕比起迷你個隻會軟身少少，比較黏牙，冇咁清涼。比較似係軟糥版砵仔糕 ，而紅豆既分量就屬於適中啦！下次都係買返迷你版算。
價格：HKD $14 / 3pcs
4️⃣蛋散
蛋散既口感就比較硬少少，小編鐘意食鬆脆既蛋散多D啫。不過蛋散冇油「益」味同夠脆，都算唔錯。
價格：HKD $20
佢哋仲有好多唔同嘅選擇㗎😂
張貼
