文哥廚房

街市熟食中心係陪伴我哋成長嘅飲食文化之一，好地道亦好有親切感，今次去呢間文哥廚房，有着大排檔式嘅鑊氣小炒及平民套餐，風味十足。

荷葉籠仔蒸薑汁黃鱔飯$65
揭蓋一刻香氣四溢，黃鱔份量唔惹少，質地鮮甜軟嫩中帶爽彈，並帶着薑汁嘅清香，飯粒蒸到粒粒分明，爽口有飯香，每粒飯都吸收哂黃鱔汁嘅油香，超好味，絕對唔想同人share，另加$4有杯飲品。

午市蒸倉魚套餐$48
倉魚肉厚，魚味濃郁，用上原粒豆豉蒸，惹味好下飯，另加$1有飲品。

椒鹽九肚魚$128
鑊氣十足，熱辣辣超嫩滑，香口又惹味。

老火靚湯
送嘅兩碗西洋菜老火靚湯，湯頭清甜。