影片
更多
2022-11-02
393 瀏覽
今日要當夜更🌒，所以買定啲嘢食返公司。我行咗去柯士甸路嗰邊探索一下，並幫襯咗「川味王」，其實一直想搵機會試好耐。餐廳面積唔大，木系裝修帶點中式古典風格🏮。呢度賣嘅食物種類都幾多，包括串燒、麻辣香鍋同小炒等，但店舖一切事務連煮食都係由一位女店員負責，好厲害。麻辣錫紙花甲粉($58)，呢度嘅花甲粉超正，我敢講係香港食過數一數二好食😋。即使係外賣，但都有用錫紙裝住，能夠保溫。湯底係精華所在，佢難得完全唔油膩，帶微微辣。🍜粉絲作為麵底，條條分明，並無漿埋一餅，爽爽的，仲非常掛湯。餸料方面，花甲有成十幾隻，味道鮮甜又無沙，另外亦配有金菇同娃娃菜，以添口感。燒土豆片($15)，🥔串燒嘅馬鈴薯片比起零食薯片，有過之而無不及。土豆片爽爽嘅同時，又軟軟哋，口感唔錯。燒雞軟骨($28/2串)，🦴雞軟骨燒至脆卜卜，再蘸埋孜然粉同辣粉食，份外惹味。燒牛肉串($25)，🥩牛肉肉味幾濃，肉質比想像中軟腍，兼且幾入味。燒薄切牛舌($25)，👅牛舌有成八件，但肉質就比較韌，要嚼多幾下。總括嚟講，川味王嘅出品有驚喜，原本以為係一般串燒店🍢，主要靠味粉去調味，或者會好鹹，但出奇地又無喎。最後，佢嘅花甲粉真係好出色，又夠晒
今日要當夜更🌒，所以買定啲嘢食返公司。我行咗去柯士甸路嗰邊探索一下，並幫襯咗「川味王」，其實一直想搵機會試好耐。
餐廳面積唔大，木系裝修帶點中式古典風格🏮。呢度賣嘅食物種類都幾多，包括串燒、麻辣香鍋同小炒等，但店舖一切事務連煮食都係由一位女店員負責，好厲害。
麻辣錫紙花甲粉
$58
8 瀏覽
0 讚好
0 留言
麻辣錫紙花甲粉($58)，呢度嘅花甲粉超正，我敢講係香港食過數一數二好食😋。即使係外賣，但都有用錫紙裝住，能夠保溫。湯底係精華所在，佢難得完全唔油膩，帶微微辣。🍜粉絲作為麵底，條條分明，並無漿埋一餅，爽爽的，仲非常掛湯。餸料方面，花甲有成十幾隻，味道鮮甜又無沙，另外亦配有金菇同娃娃菜，以添口感。
燒土豆片
$15
11 瀏覽
0 讚好
0 留言
燒雞軟骨
$28
8 瀏覽
0 讚好
0 留言
燒牛肉串
$25
4 瀏覽
0 讚好
0 留言
燒薄切牛舌($25)，👅牛舌有成八件，但肉質就比較韌，要嚼多幾下。
總括嚟講，川味王嘅出品有驚喜，原本以為係一般串燒店🍢，主要靠味粉去調味，或者會好鹹，但出奇地又無喎。最後，佢嘅花甲粉真係好出色，又夠晒飽，我一定會再幫襯！
張貼
