新樂園魚蛋粉

營業中

休息中

今日去咗將軍澳接小姪仔放學，經過彩明商場見到新樂園魚蛋粉，姪仔話呢間好好食，叫我帶佢入去食，於是乎就叫埋弟婦過嚟食。餐廳除咗有港式粉麵，還有西餐供應。魚旦河，手唧魚旦和魚片彈牙兼有鮮味，河粉滑嘟嘟，湯底清甜。怪不得小姪仔那麼喜愛食。雲吞麵：雲吞餡料飽滿，皮薄餡鮮，蝦肉爽口。麵條彈牙。芝士茄汁焗雞扒飯：焗飯賣相也不錯，上枱熱騰騰香噴噴，芝士茄汁和雞扒鋪滿飯面，雞肉嫩滑，芝士茄撈飯好惹味！凍飲只需加3元，凍鴛鴦味濃夠冰凍。法蘭西多士：西多士係即叫即做，麵包中間有花生醬，而且好厚身，炸至金黃色，加上牛油和糖漿，又香又甜又好味！