南洋麵屋 (已結業)

今晚響北角行完大型超市，就決定響渣華道沿路一直行搵野食，行行下見到呢間南洋麵屋係食泰式食物就吸引左入去。環境好衛生，坐得幾舒適。餐廳除左泰式既食物，仲有越式撈麵、撈檬等非常多款式可供選擇！泰式生蝦呢個生蝦好爽口，再配上中間呢個我覺得頗辣既辣醬刺激味蕾，必吃之選！越南蔗蝦啖啖肉，而且好有蝦味，我覺得蝦肉既百份比好高，真材實料。馬拉盞炒貴妃苗賣相一流，開蓋已經聞到香噴噴，豆苗非常幼嫩，馬拉盞既味道入哂豆苗，如果唔好食菜既朋友試完呢個貴妃苗可能會有驚喜！另可以選擇通菜，同埋可以改以蒜蓉炒，迎合不同口味既食客!最後點左個套餐，香脆軟殼蟹，配上叻沙摻摻即係油麵同埋米粉混合埋響一齊，摻摻配上呢碗好濃椰香味既叻沙絕對係perfect match , 叻沙入面有埋豆卜同雞蛋，好入味！跟餐配埋飲品都係半價，絕對係性價比高既餐廳！