咯咯雞韓食店 (亞士厘道) (已結業)

喺尖沙咀想食韓國嘢，除咗韓國街仲有好多選擇～今日去咗亞士厘道嘅咯咯雞韓食店💛一睇到個名就諗定要食炸雞🍗炸雞有好多種口味，除咗大路嘅蒜香醬油、甜辣、芝士之外，仲有比較特別嘅咸蛋黃、柚子檸檬、蜜糖芥末、冬陰公味等～炸雞可選擇一份/半份～今日叫咗：1️⃣半份咸蛋黃炸雞（$119）炸雞爆脆多汁，咸蛋黃好香而且幾亁爽，食落唔覺好膩👍🏻2️⃣鐵板芝士野菜豬腩（$108）一上枱見到咁大份咁多芝士已經覺得好抵食💛店員好好心機幫我哋將兩大條豬腩剪開一塊塊，再教我哋點樣用芝士卷住豬腩嚟食💯本身豬腩好入味，外面燒得焦香，咬落去有油香～用芝士卷嚟食好滿足🥳中間嘅野菜調味適中，份量亦好夠～可以減低食激量芝士&豬腩嘅邪惡感🤭3️⃣海鮮煎餅（$89）煎得好香脆，海鮮都幾多，啖啖都有咬到海鮮～主要有魷魚同帆立貝～煎餅嘅汁鹹鹹地辣辣地，點埋嚟食都幾夾幾開胃4️⃣黃到金-芒果雲朵冰沙（$48）冰沙質地有少少粒粒，芒果幾甜～面頭嘅cream好好食😋唔係得啖空氣果種