十三少 (已結業)

本身中意食酸菜魚，咁岩見到openrice $20一個酸菜魚優惠，個日又要去香港仔，即時搶番個。酸菜魚(優惠價$20,勁抵) ,另加$20薯份本身配菜有萵荀，菇。萵荀切得好薄，爽口，酸菜份量足，酸味唔會好搶，配埋辣味岩岩好，魚都幾滑。個薯粉一定要加，吸曬酸菜味，好煙韌。辣子雞軟骨 $118呢個真係有意外驚喜，中意食香口野既必點，每粒雞軟骨都好重花椒味，又香又脆，仲有配埋腰果，勁。冷泡四季春$22呢個好香茶味，有d 解辣既功效，唔錯。