會特登去食。
又真係幾好食，
到而家越開越多分店。
咁就唔使去咁遠，
尖沙咀咁方便嘅地點都有。
必要食肉骨茶❣️
肉骨茶都有好多選擇,
除咗一字骨之外，仲有皇帝骨/大雜錦/豬腳彎同三層肉選擇。
揀左豬腳彎。
🥢豬腳彎肉骨茶 $68
骨膠原豐富🤤
食肉骨茶要跟足佢嘅步驟咁就最好食！有四部曲，每張枱都有紙清晰指示。
首先調醬先，記得黑豉油多啲，頭抽少啲。
跟住就可以飲個湯，
超好味，有淡淡的蒜香味，
又香，仲要帶甜味添。
食完之後仲可以任添熱湯㗎❣️
而家天氣凍，食個肉骨茶暖笠笠，真係好啱👍
🥢高佬麵配雞扒$72
高佬麵其實即係撈麵，
雖然啲面好深色，不過唔使驚唔會太鹹。
塊雞扒超大塊厚肉！
夠香夠味夠份量❣️
佢側邊有一啲辣醬，但唔係好辣，反而就偏甜。
仲有魚乾同花生伴碟，
提升成個面嘅香脆。
🥪咖央多士$38
佢呢度嘅咖央多係咖央厚過牛油，
好啱鍾意食咖央嘅朋友。
全部飲品、甜品都係好特別❣️
飲品都係好地道嘅馬來西亞飲品 。
揀咗佢哋推介嘅特飲:
🥃冬瓜龍眼茶$35
除咗有好多龍眼肉，
好得意佢入面仲有兩條冬瓜條，
清甜好食
🍹似水榴槤$52
一飲落去真係榴槤味喎🤩
然後覺得呢個名真係好貼切，
就好似飲緊香濃榴槤咁樣，
味道唔會好假，
好特別，試得過👍
