阿翁小館

營業中

休息中

朋友生日話想食鮑魚同魚翅，一於帶佢到天后如心酒店阿翁鮑魚慶祝生日。砂鍋紅燒魚翅：用上原個沙鍋煲既魚翅，魚翅用上正宗翅裙，食落非常彈牙，而且紅燒來煲，非常有舊式風味。30頭吉品鮑：用上30頭原隻乾鮑來煮成，聽講師父要用一星期來發水，加上鮑魚用上雞湯去洧製，食落糖心，而且非常有吉品鮑的鮮味。油泡生劏斑球：用上黃鰭老虎斑來炒，平時出面一條黃鰭老就斑都要過千元，食落不但魚肉彈口,肉質嫩滑，加上油泡將水份鎖實。迷你鮮荷葉飯：荷葉飯係每位一個蒸煮而成，內裡用上龍蝦肉作為主要材料，食落唔會好酒，加上師父用上頂級豉油來炒作，所以味道十分濃香。原盅杏汁官燕：每盅官燕用上二兩燕窩去煮製，加上原粒杏仁磨汁去煮，所以食落杏味十足，燕窩非常有咬口，十分爽口。總括來說，這裡環境十分優雅，食物品質十分優秀，服務態度又好，絕對係同朋友慶祝的好地方。