I Leisure (已結業)

朋友生日當然帶佢去間有特色的餐廳慶祝生日，這裏主打特色海鮮搖盤同明太子龍蝦包，入到餐廳有一半座位是鳥籠設計好靚，打卡不錯👍火焰蜜糖雞翼-店員上枱時會淋上玫瑰花露在點火，雞翼經燒過熱辣辣香噴噴，外皮燒得香脆可口，食到好香甜甜地蜜糖味，一隻接一隻食唔停口！海鮮搖盤（有五款海鮮）這個是餐廳主打當然要試吓，海鮮包括大元貝、青口、鮑魚、海蝦和大蜆樣樣都好新鮮，配料有大肉腸和粟米🌽，然後把所有材料放入一個大袋裏面，再加入餐廳獨創的馬來西亞特色辣汁，然後再搖一搖，每樣材料到沾滿醬汁非常好食，蒜蓉味亦都好突出！明太子龍蝦包拼薯條這款菜式賣相不錯，好豐富！麵包烘得剛好，微脆帶點香口，餡料有龍蝦，蕃茄，生菜和特色醬汁，一啖咬落去，每一啖都食到龍蝦肉，肉質好清甜加埋配菜感覺好清新，醬汁調味亦適中，整體不錯！