La Moo Moo' s Steak and Fries (已改名) 查看

食牛扒去灣仔La Moo Moo' s Steak and Fries就一定冇錯啦，佢地選用美國1855黑安格斯肉眼牛扒，有U.S. Prime等級😃佢哋個把小斧頭好得意，食得好開心🤣Dinner set有沙律餐湯配菜餐包餐飲，食完之後好滿足！晚餐有好多選擇，有牛扒、雞、豬肋骨、意粉同漢堡，一定有野岩食。首先係凱撒沙律，再來就有蕃茄湯同餐包。230g US Meyer Natural Prime Angus Flat Iron Steak美國安格斯牛扒超厚身，五成熟入面仲係粉紅色，切開後肉質嫩滑牛味濃。仲有幾款醬汁選擇，未食過阿根廷青醬，原來係啲香草油，味道清新，配菜可以揀薯蓉，食落去味道香濃幾正。Texas BBQ Baby Back Pork Ribs美國德州秘製燒醬豬肋骨份量十足，豬肋骨好大件肉厚🤓淋身易切開，入口啖啖肉配上煙燻醬非常唔錯，佢哋嘅薯條都非常出色，熱辣辣啱啱炸好。