影片
更多
2022-07-17
54 瀏覽
新餐廳去得多，但人哋第一日開張就幫襯既都係第一次。原來呢間鋪之前喺尖沙咀，依家搬咗嚟油麻地，地鐵站一出就係，價錢平民化左，但野食既水準高，值得再回頭！火龍果藍莓水耕菜沙律 $48多片既紅肉火龍果特別甜，又淋又多汁；水耕菜由元朗農場直送，好新鮮；加上醒胃既黑醋，個沙律真心正！蚵仔煎既蛋好香，蚵仔又多又新鮮，仲帶有海水味。我仲未諗到去邊度會搵到咁密集同有海水味既蚵仔煎。宜蘭香蔥餅（$28 /4隻）原來係一個生煎包嘅形狀，一咬落去爆汁！！！好驚喜~~ 灌湯餃子$38 有8隻！餃子飽滿紮實又好味，真係好抵食！紅燒腱心牛肉麵，牛肉好腍，個純牛骨湯都好好飲。鹽酥雞粒滷肉飯（$45）都幾大碗，鹽酥雞粒香脆又唔會好似出面嘅咁咸，健康好多。蜜糖烏龍蘆薈甜度適中，好岩我口味，綠茶益力多微酸，脆脆阿華田好濃郁，上面仲有好多朱古力碎。鹵水雞翼（$30/5隻）大隻又入味，芋泥肉鬆吐司既粉紫色好夢幻，仲有個靚靚花牆打卡~
原來呢間鋪之前喺尖沙咀，依家搬咗嚟油麻地，地鐵站一出就係，價錢平民化左，但野食既水準高，值得再回頭！
火龍果藍莓水耕菜沙律 $48
多片既紅肉火龍果特別甜，又淋又多汁；水耕菜由元朗農場直送，好新鮮；加上醒胃既黑醋，個沙律真心正！
蚵仔煎既蛋好香，蚵仔又多又新鮮，仲帶有海水味。我仲未諗到去邊度會搵到咁密集同有海水味既蚵仔煎。
宜蘭香蔥餅（$28 /4隻）
原來係一個生煎包嘅形狀，一咬落去爆汁！！！好驚喜~~
灌湯餃子$38 有8隻！餃子飽滿紮實又好味，真係好抵食！
紅燒腱心牛肉麵，牛肉好腍，個純牛骨湯都好好飲。
鹽酥雞粒滷肉飯（$45）都幾大碗，鹽酥雞粒香脆又唔會好似出面嘅咁咸，健康好多。
蜜糖烏龍蘆薈甜度適中，好岩我口味，綠茶益力多微酸，脆脆阿華田好濃郁，上面仲有好多朱古力碎。
鹵水雞翼（$30/5隻）大隻又入味，芋泥肉鬆吐司既粉紫色好夢幻，仲有個靚靚花牆打卡~
張貼
