ICONIC H 特色熱狗店 (已搬遷) 新店位置

第二次幫襯，難得唔駛排長龍，我哋係用緊要五分鐘仲要有位坐。要咗個黑椒牛肉腸加熱熔芝士加蜜糖芥茉醬加炒磨菇，不足之處係啲菇出水令到個包好濕要食得好快，因為一路食一路有水滴出嚟。唔建議加炒菇，都係加松露炒蛋好啲。個熱容芝士仍然係好重手，襯埋個蜜糖芥茉漿甜甜地非常好味，相比起大坑嗰間新開熱狗店，呢度勝在價錢十分平民化（可以卜選擇唔要薯條），而且我比較鍾意呢度嘅味道-岩香港人口味，熱狗包雖然呢度都有煎烘，但大坑烘得香脆好多（唔知關唔關啲菇出水事）同埋呢度真係好少地方坐。