名家韓國餐廳 (元宮閣)

營業中

休息中

嗰日喺太古城做完單job，四圍行下搵下有咩食，結果入咗去呢間韓國餐廳。坐低就先上六款前菜，食完可以免費再加。lunch menu 都好多嘢揀，分別叫咗炆牛肋骨配辣汁冷麵（$158），同埋人蔘雞配飯（$105）。個炆牛肋骨真係不得了，好好食，牛肋骨炆到腍哂，好入味但唔會太鹹，係鹹甜適中，而且多餘脂肪應該已經清理，識落唔覺得肥膩。辣汁冷麵係韓國嗰種嘅煙韌感覺，好味，個人覺得如果可以再辣啲就好。人蔘雞就唔算特別，人蔘味唔算重，飲多兩啖會覺得鹹咗啲，糯米份量可以多啲就好。另外散叫咗個烤五花腩（$230），店員幫手燒，不過我覺得佢剪得太細舊，而且燒得太耐，最終變得有啲韌，但肉味幾濃，唔錯的。