四寶食堂 (已結業)

-🔸奶醬多 $25🔸沙嗲牛肉麵 $50🔸叉燒滑蛋飯 $59🔸流心芝士西多士 $38🔸奶茶雪糕紅豆冰 +$15🔸凍檸茶 +$3-有時放假懶得出去排隊食打卡餐廳，hea hea哋去茶餐廳食都可以😌 又慳錢又快靚正，以為係充滿麻甩嘅味道？No no，四寶食堂裝修有花心思都幾靚架，唔似普通茶記咁頹呢～沙牛麵係男朋友最愛，四寶嘅沙嗲牛肉夠晒味，仲有花生醬嘅顆粒感，如果轉埋出前一丁就仲正啊！常餐仲包咗勁滑嘅炒滑蛋，同埋烘得鬆脆又充滿牛油香味嘅丹麥多士，用料講究。叉燒滑蛋飯嘅滑蛋調味恰到好處，半熟仲流動緊嘅滑蛋真係超吸引，加埋瘦叉減低罪疚感，仲有葱花點綴，依餐真係非常滿足！