一哥點故 (已結業)

今日陪表妹嚟到港島，夜晚肚餓但又有少少想食返香港特色嘢，就嚟到位於灣仔嘅一哥點故食點心。佢喺係元朗起家，依間係第一間嘅分店，個地理位置相對有小小唔就腳，佢係喺銅鑼灣同灣仔中間，但如果坐叮叮或者巴士就會方便好多。環境都唔錯，店舖坐得幾舒服，一啲都唔覺得逼，最好嘅係佢唔收加一架！好多食點心嘅餐廳都會收加一搞到好貴，灣仔區黎講呢間都算幾抵食。蝦餃粒粒都好飽滿，好足料。個流沙包同春風得意腸呢兩樣點心，我係十分之推薦！個流沙包外觀好靚，流心量又多，又好香奶黃味 真係好唔錯。個春風得意腸係佢地嘅招牌菜，好香好脆口，一定要盡快食，唔係淋咗就會冇咗個脆嘅口感。服務態度都唔錯，店員都幾有禮貌同好客。