影片
更多
2020-12-16
50 瀏覽
今年12月頭就好涼啦，最岩就係打邊爐啦，想食正宗四川麻辣火鍋，就搵左位於銅鑼灣的碼頭故事。 原來呢間餐廳喺四川有好多分店，食物及湯底都好有質素。湯底方面我哋叫咗牛油鴛鴦鍋， 一邊係麻辣湯，一邊係大骨百味湯底。 牛油紅鍋唔會太辣，真係成舊牛油放入去，麻味十足，味帶辛辣，大骨湯味道香濃。火鍋配料我哋點咗三秒海帶、安格斯肥牛、鮮鴨血、山藥、粟米、蝦滑，飲品叫咗加多寶同可樂。食材新鮮，尤其是蝦滑，又彈牙又香蝦味， 放入大骨湯好啲如果唔係畀麻辣搶咗啲味， 三秒海帶食得有驚喜， 本身都好鍾意食蝴蝶結海帶，貪佢夠厚身有口感， 但三秒海帶又係另一種感覺，非常薄身， 食落鮮味無比， 而且份量非常多食極都有， 放入大骨湯非常鮮甜，放入麻辣湯，又係另一種風味，麻辣帶鮮，回味無窮。山藥同鴨血都係麻辣鍋嘅好朋友， 每次食麻辣鍋都會點， 而粟米非常新鮮，口感偏爽脆多汁， 我咬開粟米嘅時候，唔小心唧到旁邊嘅膠板都係粟米汁。安格斯肥牛 脂肪含量適中 都算幾大碟 有大片，本身想叫一米肥牛，但有比安格斯肥牛嘅雪花吸引咗，果然冇叫錯，放入麻湯淥一淥，唔使點醬油都咁好食。碼頭故事個湯底夠正宗，火鍋配料新鮮，埋單仲有coupo
湯底方面我哋叫咗牛油鴛鴦鍋， 一邊係麻辣湯，一邊係大骨百味湯底。 牛油紅鍋唔會太辣，真係成舊牛油放入去，麻味十足，味帶辛辣，大骨湯味道香濃。
火鍋配料我哋點咗三秒海帶、安格斯肥牛、鮮鴨血、山藥、粟米、蝦滑，飲品叫咗加多寶同可樂。
食材新鮮，尤其是蝦滑，又彈牙又香蝦味， 放入大骨湯好啲如果唔係畀麻辣搶咗啲味， 三秒海帶食得有驚喜， 本身都好鍾意食蝴蝶結海帶，貪佢夠厚身有口感， 但三秒海帶又係另一種感覺，非常薄身， 食落鮮味無比， 而且份量非常多食極都有， 放入大骨湯非常鮮甜，放入麻辣湯，又係另一種風味，麻辣帶鮮，回味無窮。
山藥同鴨血都係麻辣鍋嘅好朋友， 每次食麻辣鍋都會點， 而粟米非常新鮮，口感偏爽脆多汁， 我咬開粟米嘅時候，唔小心唧到旁邊嘅膠板都係粟米汁。
安格斯肥牛 脂肪含量適中 都算幾大碟 有大片，本身想叫一米肥牛，但有比安格斯肥牛嘅雪花吸引咗，果然冇叫錯，放入麻湯淥一淥，唔使點醬油都咁好食。
碼頭故事個湯底夠正宗，火鍋配料新鮮，埋單仲有coupon送，下次可以用啦，鍾意麻辣火鍋唔可以錯過！
張貼
