影片
更多
2022-05-12
52 瀏覽
桔梗堂食限制放寬之後，晚市多咗好多人出街食飯，好多地方都要排長龍。但呢幾日撞正落雨，我地就放工落旺角食晚飯，果然少咗好多人！今晚去到旺角鬧市之中既一間餐廳桔梗。一入去先發覺原來呢到咁大，有兩層，而且樓底極高。二樓通常係多客人先開，今日就冇開啦。 不過坐樓下都有好處，可以清楚睇到廚師烹調食物同調製咖啡。餐廳裝修行工業風，加少少文青既元素，幾特別。呢排桔梗做緊期間限定既日本和牛壽喜燒，但由於我地係第一次黎，所以試咗佢原本有既野先。呢到既主食都係偏向日本同台灣菜。飲品方面選擇比較多，除咗唔同種類咖啡之外，仲有精品茶同埋不同既酒精飲料。餐廳職員態度親切有禮，幫我地落完單就好快就上菜。我地叫咗個雞泡魚乾，魚乾燒得好靚仔，而且非常乾身，食落滲出醬汁甜味同魚香，配埋蛋黃醬，送酒一流。台灣牛肉麵隨即送到，牛肉麵配上兩碟小菜，一碟係酸菜，另一碟係車厘茄黎。酸菜甜甜酸酸，可以中和牛肉麵油膩感，而車厘茄都唔馬虎，加咗少少梅既調味，好配胃。牛肉麵既麵條較扁身，食到尾都唔會淋晒同發漲，品質唔錯。牛肉方面有兩大片牛𦟌同牛腩，牛𦟌好厚，而且好冧，牛腩肥瘦分明，食落牛肉味濃厚，幾好食。最期待既日本和牛三文治終於黎，三
堂食限制放寬之後，晚市多咗好多人出街食飯，好多地方都要排長龍。但呢幾日撞正落雨，我地就放工落旺角食晚飯，果然少咗好多人！
今晚去到旺角鬧市之中既一間餐廳桔梗。一入去先發覺原來呢到咁大，有兩層，而且樓底極高。二樓通常係多客人先開，今日就冇開啦。 不過坐樓下都有好處，可以清楚睇到廚師烹調食物同調製咖啡。餐廳裝修行工業風，加少少文青既元素，幾特別。
呢排桔梗做緊期間限定既日本和牛壽喜燒，但由於我地係第一次黎，所以試咗佢原本有既野先。呢到既主食都係偏向日本同台灣菜。飲品方面選擇比較多，除咗唔同種類咖啡之外，仲有精品茶同埋不同既酒精飲料。
餐廳職員態度親切有禮，幫我地落完單就好快就上菜。我地叫咗個雞泡魚乾，魚乾燒得好靚仔，而且非常乾身，食落滲出醬汁甜味同魚香，配埋蛋黃醬，送酒一流。
台灣牛肉麵隨即送到，牛肉麵配上兩碟小菜，一碟係酸菜，另一碟係車厘茄黎。酸菜甜甜酸酸，可以中和牛肉麵油膩感，而車厘茄都唔馬虎，加咗少少梅既調味，好配胃。牛肉麵既麵條較扁身，食到尾都唔會淋晒同發漲，品質唔錯。牛肉方面有兩大片牛𦟌同牛腩，牛𦟌好厚，而且好冧，牛腩肥瘦分明，食落牛肉味濃厚，幾好食。
最期待既日本和牛三文治終於黎，三
文治好厚，男仔都好難一啖食得晒。面包烤到非常脆口，而且咬落啖啖牛油香。黑毛和牛烹調得啱啱好，吉列牛既做法減少肉汁流失，而和牛仍然保持粉嫩，兩者做成強烈對比，令口感層次更分明。
張貼
