臺北棧 (世貿中心)

營業中

休息中

Check in Taipei嘅裝潢好精緻，私隱度高，感覺好舒適。每個座位都設計得好有心思，令人食得開心又自在。蒜香三色台腸 $68一上枱，蒜香味已經撲鼻而來，真係好吸引。三種唔同顏色嘅台腸，原味、墨汁同黑椒味，每款都各有特色。配合蒜香同蜜糖味，味道層次豐富，每一口都令人回味。明太子麻糬蛋餅 $98呢個蛋餅好有特色，外皮煎得金黃酥脆，內裏包住咗煙韌嘅麻糬同鹹香嘅明太子。每咬一口，都感覺到麻糬嘅煙韌同明太子嘅鮮味，好滿足。 招牌牛肉麵$108呢碗牛肉麵嘅湯底清澈，味道濃郁，帶有微微嘅中藥香氣。牛肉片厚切，入口嫩滑，味道滲透得恰到好處。配埋嘅煙韌薯粉，索左個湯，令人一試愛上。肉鬆皮蛋魯肉飯 $78味道甜甜的，再加上肉鬆同皮蛋嘅鹹香，真係意想不到嘅組合。 最後，當然唔少得甜品，我哋叫咗芋泥三Q拿破崙$108呢個甜品真係創意無限，拿破崙酥皮脆而不硬，內餡係香甜嘅芋泥再加上肉鬆，味道好夾。每一層都帶嚟唔同嘅口感同味道，真係好滿足。