宇治園 (已結業)

食完飯就去到海港城，見到一間新開㗎宇治抹茶專門店，我呢個抹茶控🍵一定要去試吓。鋪頭位於當眼位置，就算係下面幾層都見到佢嘅門面裝修，裝修設計以綠啡色為主，入面亦都有座位可以供客人坐，亦都可以外賣。我哋食完飯就想食下甜品，見到佢嘅甜筒雪糕咁多款式，真係好想試吓，最後我揀咗招牌雪糕抹茶繪卷，而且雪糕可以自己揀選味道，仲有北海道牛奶同埋焙茶味道選擇。我叫嘅抹茶繪卷賣相非常吸引，同餐牌嘅圖片一樣，雪糕上面有抹茶粉，仲有一條特製嘅鬆脆卷，點小小雪糕嚟食非常Creamy，食落去有好濃郁嘅抹茶味道，苦澀嘅味道帶點牛奶甜味，正。除此之外，仲有其他款式嘅飲品選擇，有咖啡、煎茶、豆奶同埋拿鐵等等。