影片
更多
2017-06-19
160 瀏覽
今次同朋友去到中環碼頭附近嘅「白鬍子炸魚薯條」餐廳，就係想試吓佢哋嘅「招牌炸魚薯條」。餐廳都好照顧唔同客人嘅需要，因為中環碼頭比較多遊客同埋外國人，所以餐牌都有中英對照，而且店員都係流利講中英文，唔使驚語言上溝通唔到。當然唔少得梗係要叫「招牌炸魚薯條」同埋「炸鱈魚薯條」，另外我哋叫左啲小食就係「蒜香炸蝦籃」同埋「魷魚圈籃」，飲品方面我哋叫咗「冰菠蘿特飲」同埋「鮮榨檸檬汁」。另外店員仲叫我地自己揀幾款醬汁，見到佢一共有八款醬汁，我樣樣都想試吓。「招牌炸魚薯條」同埋「炸鱈魚薯條」賣相差不多，但係炸鱈魚就比較幼身少少，食落去炸鱈魚比較滑，所以價錢相對貴少少，但係招牌炸魚都唔差，好滑而有口感，正！另外啲薯條份量好多，而且條條都好粗好長，仲要熱辣辣的，唔使點茄汁都夠味道，再點買茄汁嚟食，無得頂！「蒜香炸蝦籃」每一籃有四大條，炸蝦面頭有少少牛油蜜糖醬味道，食落去好香口，外脆內軟，點埋泰式辣醬就非常滋味。「魷魚圈籃」每一件都係用新鮮魷魚圈造成的，食落去好有質感，而且外皮香脆，食落去滿口新鮮魷魚味道，唔需要點醬汁已經好好食。食咗咁多野都好頸渴，當然要飲番我至愛嘅「鮮榨檸檬汁」，檸檬汁用透明杯裝住，見到
餐廳都好照顧唔同客人嘅需要，因為中環碼頭比較多遊客同埋外國人，所以餐牌都有中英對照，而且店員都係流利講中英文，唔使驚語言上溝通唔到。當然唔少得梗係要叫「招牌炸魚薯條」同埋「炸鱈魚薯條」，另外我哋叫左啲小食就係「蒜香炸蝦籃」同埋「魷魚圈籃」，飲品方面我哋叫咗「冰菠蘿特飲」同埋「鮮榨檸檬汁」。
另外店員仲叫我地自己揀幾款醬汁，見到佢一共有八款醬汁，我樣樣都想試吓。
「招牌炸魚薯條」同埋「炸鱈魚薯條」賣相差不多，但係炸鱈魚就比較幼身少少，食落去炸鱈魚比較滑，所以價錢相對貴少少，但係招牌炸魚都唔差，好滑而有口感，正！另外啲薯條份量好多，而且條條都好粗好長，仲要熱辣辣的，唔使點茄汁都夠味道，再點買茄汁嚟食，無得頂！
「蒜香炸蝦籃」每一籃有四大條，炸蝦面頭有少少牛油蜜糖醬味道，食落去好香口，外脆內軟，點埋泰式辣醬就非常滋味。
「魷魚圈籃」每一件都係用新鮮魷魚圈造成的，食落去好有質感，而且外皮香脆，食落去滿口新鮮魷魚味道，唔需要點醬汁已經好好食。
食咗咁多野都好頸渴，當然要飲番我至愛嘅「鮮榨檸檬汁」，檸檬汁用透明杯裝住，見到杯入面都有幾塊檸檬，飲落去能夠止渴，而且淡淡都係你新鮮檸檬汁味道，果然真材實料，一口氣就飲晒成杯了，必飲！
飲品除咗呢兩樣之外，仲有好多唔同種類嘅啤酒選擇。
總括而言，餐廳地址點方便，一出碼頭就可以食到咁好味嘅炸魚薯條，而且價錢合理，幾可以堂食，又可以外賣，外賣仲可以坐係出面對住個海食，所以係值得一試嘅餐廳。張貼
