吉列牛忌廉烏冬專門店 (百樂中心) (已結業)

假日姪女話帶我去食一間又邪惡又美味嘅日式野，於是就嚟百樂中心嘅吉列牛忌廉烏冬專門店，食完真係覺得好唔錯！😋雞軟骨餃子呢個餃子外皮煎得好香脆，裏面有雞軟骨，咬既時候好有口感，沾上少許醋食非常之好味😍！吉列牛定食呢個定食都幾豐富，有麵豉湯、日式豆腐和車厘茄、珍珠白飯和吉列牛。自己可以按照個人喜好決定吉列牛既熟度，牛肉肉質鮮嫩，吉列香脆，口感一流！忌廉咖喱烏冬初時見到碗上的忌廉以為好heavy，但食落一啲都唔會覺得肥膩，而且仲令到每一條烏冬好滑溜，並且中和了咖喱味，食完真係忍唔住舉起姆指👍🏻！Citrus 🍊 Ocean 雖然係橘子飲料，但飲落唔知點解有啲柚子嘅味道，味道清甜，好清爽！Passion Punch 🍹呢杯熱情果賓治味道香香甜甜，好有夏日嘅味道，覺得自己冇叫錯😉！