十三少 (已結業)

十三少的堅尼地城分店，裝修古香古色，非常有特色，而且座位寬敞，坐得舒服！好鐘意佢中式古典設計，由入門到座位，都係打卡位！連大門口都好靚！椒麻皮蛋（金蛋）🥚金黃色嘅皮蛋，比傳統皮蛋更香，外層好似啫喱仲非常Q彈，晶瑩通透，蛋黃流心，採用四川醃法，好開胃！主菜點咗酸菜魚，可以揀辣同唔辣，勁大一盆，上面佈滿酸菜、芝麻、菊花瓣等，賣相一流！魚肉片嫩滑，而且冇骨，湯底用鮮魚熬煮，鮮香美味！見到有新菜式：蒜香荷葉飯，估唔到咁好味！岩岩蒸好出爐，非常新鮮熱辣！荷葉好香，超級吸引！飯底用咗好多蒜油同蔥，啖啖蒜香！蟹好大隻，蟹肉蟹膏好鮮甜！